Kutubiya told MLA Rohit Pawar that Agnivir Akshay had expressed this wish on Diwali this year
बुलढाणा न्यूज- अग्नीविर शहीद अक्षय गवते Agnivir Shaheed Akshay Ghawte यांने आपल्या कुटूंबियांना इच्छा होती की मी यंदाच्या दिवाळीला घरी आलो की राहण्यासाठी कुडाच्या घरावर नवीन चांगले घर बांधेल अशी इच्छा त्यांनी कुटूंबियांना सांगितली होती, परंतु ही त्याची इच्छा अपुरी राहिली ही इच्छा पूर्ण करण्यासाठी रोहित पवार यांनी मानस व्यक्त केला.तसेच ते याबाबत आ.पवार यांनी बुलढाणा डेप्युटी सी.ओ.पवार यांच्याशी संपर्क साधला असता त्यांनी अक्षयच्या कुटुंबाला नवीन घर बांधून दिले जाईल असे यावेळी सांगितले.
लक्ष्मीपूजनाच्या दिवशी आ.रोहित पवार यांनी घेतली गवते कुटूंबियांची सांत्वनपर भेट
भारत मातेच्या सीमेचे रक्षण करताना बुलढाणा तालुक्यातील शहीद अग्नवीर अक्षय लक्ष्मण गवते या वीर जवानाचे जम्मू काश्मीरमध्ये सियाची मध्ये कमी ऑक्सिजन मिळत असल्याने अक्षयचा हृदविकाराच्या झटक्याने वीरमरण प्राप्त झाले होते. अग्नवीर अक्षय गवते यांच्या कुटुंबाला राष्ट्रवादीचे रोहित दादा पवार व बुलढाणा काँग्रेस कमिटीचे अध्यक्ष राहुल बोंद्रे यांनी दिवाळी लक्ष्मीपूजनाच्या दिवशी रविवार, दि.12 नोव्हेंबर रोजी सायंकाळी पाच वाजेच्या सुमारास गवते कुटुंबाची सांत्वन पर भेट घेऊन शहीद अक्षय गवतेच्या कुटुंबाच्या दुःखामध्ये त्यांच्या राहत्या जुनाट मातीच्या घरामध्ये रोहित पवार व राहुल बोंद्रे यांनी घरामध्ये जमिनीवर बसून अक्षय चे वडील लक्ष्मण गवते व आई अलका लक्ष्मण गवते, बहिण श्वेता लक्ष्मण गवते यांच्याशी रोहित पवार चर्चा करुन कुटूबिंयाची विचारपूस केली. यावेळी शासनाकडून तुम्हाला कोण कोणती मदत मिळाली तेव्हा अक्षयच्या कुटुंबाने सांगितले की, शासनाने फक्त मदत घोषित केलेली आहे. परंतु कोणत्याच प्रकारची मदत मिळाली नाही. तेव्हा रोहित पवार यांनी सैनिक अधिकारी व बुलढाणा जिल्हाधिकारी पाटील यांच्याशी दूरध्वनीद्वारे मदतीविषयी विचारपूस केली असता जिल्हाधिकारी यांनी सांगितले की, अक्षयच्या कुटुंबाला राज्य सरकारने दहा लाख रुपये मंजूर केलेली आहे ते अक्षय गवते कुटुंबाच्या बँक खात्यामध्ये जमा होतील, शहीद अक्षय गवते याची इच्छा होती की मी दिवाळीला घरी आलो की राहण्यासाठी कुडाच्या घरावर नवीन चांगले घर बांधेल त्याची इच्छा अपुरी राहिली ही इच्छा पूर्ण करण्यासाठी रोहित पवार यांनी बुलढाणा डेप्युटी सी ओ पवार यांच्याशी संपर्क साधला असता त्यांनी अक्षयच्या कुटुंबाला नवीन घर बांधून दिले जाईल असे सांगितले.
इतर जवानाप्रमाणे शहीद अग्निवीर जवानांना सोयी सुविधा उपलब्ध करून देण्यासाठी व इतर शहीद सैनिकाप्रमाणे राज्य सरकारने अक्षय गवते कुटुंबाला दहा लाखा ऐवजी एक कोटी रुपये मदत देण्यासाठी येणार्या अधिवेशनामध्ये यावर चर्चा केली जाईल असे रोहित पवार यांनी अक्षयच्या कुटुंबाला आश्वासन दिले.
बहीण श्वेता गवते हिला चांगले उच्च शिक्षण घ्यायचे असेल तर शिक्षणासाठी सहकार्य करण्याचे आश्वासन रोहित पवार MLA Rohit Pawar, राहुल बोंद्रे यांनी त्यांच्या कुटुंबाला दिले. अक्षयचे वडील लक्ष्मण गवते यांनी अक्षय ची बहिण हिला शासनाने सरकारी नोकरी द्यावी अशी विनंती केली . यावेळी राष्ट्रवादीचे नेते रोहित पवार, बुलढाणा काँग्रेस कमिटीचे अध्यक्ष राहुल बोंद्रे बुलढाणा राष्ट्रवादी काँग्रेस शरद पवार गटाच्या अध्यक्ष माजी आमदार रेखाताई खेडेकर , नरेश शेळके, पिंपळगाव सराईचे सरपंच पती केशव तरमळे, पोलीस पाटील रामेश्वर गवते व ग्रामस्थांची उपस्थितीत होती.