भारताच्या उद्योग क्षेत्रातील ‘बापमाणूस’ हरवला

The ‘Father’ of India’s industry has been lost

बुलढाणा न्यूज ः

        टाटा उद्योग समूहाचे

 सर्वेसर्वा तसेच जगातील मोठे उद्योगपती रतन टाटा यांचे काल बुधवारी,दि.९ ऑक्टोबर २०२४ रोजी उपचारादरम्यान निधन झाले. ते ८६ वर्षांचे होते. भारताच्या उद्योग क्षेत्रातील बापमाणूस म्हणून त्यांची ओळख होती. त्यांच्या निधनाने

 केवळ उद्योगजगतावर नव्हे तर संपूर्ण देशावर शोककळा पसरली आहे.

         रतन टाटा यांना प्रकृती खालावल्याने ब्रीच कँडी रुग्णालयात दाखल करण्यात आले होते. पण उपचारादरम्यान त्यांची प्राणज्योत मालवली. रतन टाटा यांच्या निधनानंतर कोट्यवधी भारतीयांच्या डोळ्यात पाणी पाहायला मिळत आहे. तसेच रतन टाटा यांच्या निधनानंतर देशभरातून मान्यवरांच्या प्रतिक्रिया समोर येत आहेत. सोशल मीडियाद्वारे सामान्यांद्वारे श्रद्धांजली वाहिली जात आहे.

रतन टाटाचा मित्र शांतनू नायडू ची सोशलमिडीयावर भावूक पोस्ट

Ratan Tata’s friend Shantanu Naidu’s emotional post on social media

रतन टाटा यांच्या निधनानंतर जगभरातून शोक व्यक्त होत आहे. शांतनू नायडू याने भावूक पोस्ट लिहीली आहे. रतन टाटा यांचा २९ वर्षीय मित्राने पोस्ट लिहीली आहे की, रतन टाटांसोबतच्या मैत्रीने मला खूप काही दिलं. त्यांच्या जाण्याने या मैत्रीत आता पोकळी निर्माण झाली आहे, ती पोकळी भरुन काढण्यासाठी मी माझं उर्वरीत आयुष्य घालविन, प्रेमाची किंमत दुःख ही आहे. अलविदा माझ्या लाईटहाऊसला अशी पोस्ट ८६ वर्षी रतन टाटांचे २९ वर्षीय मित्र शांतनू नायडू यांनी केली आहे. 

रतन टाटा यांच्या स्मरणार्थ राज्यात एक दिवसाचा दुखावटा

        मुंबई : ज्येष्ठ उद्योगपती, पद्मविभूषण रतन टाटा यांच्या निधनानंतर त्यांच्या सन्मानार्थ राज्यात आज ( गुरुवार १० रोजी) एक दिवसांचा दुखवटा पाळण्यात येणार आहे. यासंदर्भात मुख्यमंत्री एकनाथ शिंदे यांनी घोषणा केली आहे.

        रतन टाटा यांना सन्मानपूर्वक निरोप देण्यासाठी श्रद्धांजली म्हणून हा शासकीय दुखवटा राहील. या काळात राज्यातील शासकीय कार्यालयांवरील राष्ट्रध्वज अर्ध्यावर उतरविण्यात येतील तसेच मनोरंजन किंवा करमणुकीचे कुठलेही कार्यक्रम होणार नाहीत.

          रतन टाटा यांच्यावर शासकीय इतमामाने अंत्यसंस्कार करण्याच्या सूचनाही मुख्यमंत्री एकनाथ शिंदे यांनी दिल्या आहेत.

अंगणवाडी कर्मचारी संघटने बुलढाणा शहर अध्यक्षपदी शारदा इंगळे

व-हाडी भाषा आजच्या प्रमाण मराठी भाषेची जननी